Chiara (10) stel voorbeeld vir Heidelbergers

Om te gee is beter as om te ontvang. Chiara Schoeman (10) het tydens die Paasnaweek na verskeie organisasies en ‘n plaaslike kinderhuis uitgereik. Sy het vir talle glimlagte gesorg toe sy paaseiers uitgedeel het. Hier ontvang Chiara ‘n drukkie van ‘n lid van Heidelberg Ambulansdienste om dankie te sê vir die mooi gebaar.

Die opgewondenheid loop hoog in die Schoemans se huis nadat Chiara  (10) as finalis in vanjaar se Miss SA Schools kompetisie aangewys is.

Dié  kompetisie se hoofdoelwit is om jong Suid-Afrikaanse skoolmeisies met die nodige kennis en vaardighede toe te rus om suksesvolle ambassadeurs vir hul skole en Miss SA Schools te wees.

Die organiseerders poog om die finaliste te inspireer om in hul onderskeie gemeenskappe betrokke te raak deur hul eie projekte saam te stel. Voorbeelde van projekte is welsynswerk, kostafels en partytjies vir minderbevoorregtes om ‘n paar te noem.

 
Chiara (graad 4-leerder van Laer Volkskool) het dadelik ingespring en besluit om met ‘n spesiale projek net voor die Paasnaweek se aanvang weg te spring.

Sy het eerste by ‘n kinderhuis in Jordaan Park gaan kuier waar sy die jongklomp met paaseiers verras het. Hierna het sy ook ‘n soet bederf met die mediese personeel van Life Suikerbosrand Hospitaal en Heidelberg Ambulansdienste gedeel.

Vir Chiara was dit ‘n gebaar uit haar hart om vir hierdie personeel te wys dat hul ongelooflike werk nie ongesiens verbygaan nie.

 

“Om ander te help is my passie en droom”

Daar wag nog talle hoogtepunte sowel as uitdagings vir Chiara tydens haar reis as finalis in hierdie kompetisie. Voor die gala-aand op 25 Mei  (by Gold Reef City) plaasvind, moet sy haar projek suksesvol afhandel.

Sy gaan ook geleentheid kry om op Lekker FM te gesels en meer van haar uitreikprojekte te vertel.

 

Chiara Schoeman het ‘n projek begin om smeergoed vir skoolbrood vir ‘n plaaslike kinderhuis in te samel. Dit is nou hier waar Heidelbergers haar met donasies van produkte kan ondersteun.

Na afloop van die gala-aand, sal die groot finaal op 26 Mei by die Sheraton Hotel te Pretoria plaasvind.

 

Om ander (veral minderbevoorregtes) te help, is Chiara se passie en droom. Juis as gevolg hiervan wil sy nou verder uitreik na die kinderhuis wat sy besoek het.

Hier het sy etlike groot behoeftes raakgesien en besluit om haar volgende projek weer  aan dié kinders te wy.

 
Chiara doen ‘n beroep op al Heidelberg se inwoners om haar by te staan om van die volgende produkte wat vir die maak van skoolbroodjies aangewend word,  in te samel: grondboontjiebotter, margarine/botter vir broodsmeer, konfyt, marmite en wat ookal ‘n skoolbroodjie lekker maak.

Kom ons help Chiara om haar projek ‘n sukses te maak!

Enige persoon wat ‘n bydrae wil maak, kan vir Lelani (Chiara se mamma) by 079-824-1825 skakel.

Donasies moet asb voor of op 4 Mei ingehandig word. Heidelbergers kan  Chiara help om haar droom te laat bewaarheid deur haar projek te ondersteun.  Kom ons wys hoe groot ons dorp se hart is.

Lees ook: Oud-Volkie stel boek oor Chris Barnard vry

Volg ons op sociale media: Facebook

                                                 Twitter

 

 

  AUTHOR
Heidelberg/Nigel Heraut

Latest News

COMMENTS

Top

Thanks for your referral. We have no doubt your friends will love our newsletter as much as you!

Don't forget to verify your email.

to our FREE newsletter
SUBSCRIBE to our FREE newsletter.




SELECT your titles:

Heidelberg Nigel Heraut


Get regular news updates sent directly to your inbox.

Your source of local breaking news and trending stories from across the country.

Be a part of our growing community

1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites

SUBSCRIBE to our FREE newsletter

SELECT your titles:

Heidelberg Nigel Heraut

Get regular news updates sent directly to you inbox.

Your source of local breaking news and trending stories from across the country.

Be a part of our growing community

Subscribe Here
1MILFacebook Fans
98KTwitter Followers
5MILMonthly Readers
12MILArticles Published Every Month
72Local Community Websites
Your details:


Your friends: